Ieu meureun nu disebut empty nest syndrome teh. Hulang-huleng we, asa teu puguh laku. Di imah ngan duaan. Rek gawe hoream rek masak hoream. Naon lah ngan ngotoran dapur we wungkul, masak keur duaan. Jadi rus ras, asa loba nu laleungitan. Jadi ngarasa kolot ayeuna mah. Ehm... Sakeudeung deui nu bungsu lulus, moal lila deui pasti neangan gawe. Imah pasti kosong, tinggal duaan we, tilu jeung pembantu meureun. Pola kahirupan jigana geus kudu dirobah.
Atuda lucu tadi mah, ka toko duaan. Salaki kalah hulang huleng dititah pesen dahar teh. Naon nya, cenah. Karunya oge. Kukurilingan di Giant, sakeudeung ge geus capek. Kabayang we engke kudu ngajar di Chevron atawa Freeport, sapoe jeput. Kuat kitu nangtung ti jam 8 nepi ka jam 5 sore? Duka atuh kumaha engke we. Hehehe...biasanya urang Sunda mah cenah sok ngomong kumaha engke ari nanaon teh.
Naha pola kudu dirobah? Sok we geura, balanja geus biasa loba, ayeuna kudu dikurangan. Eusi kulkas teu orot-orot. Eusi kulkas kudu dirobah nu gampang diolah tapi tetep sehat. Parabot mun aya mah nu garampang we. Madato? keur naon Madato saha nu reuk make. Pantes atuh nyulam, hakken disebut hobby nini-nini, da memang pantes. Kahiji teu butuh tanaga gede jiga ngebon, kadua memang bisa dipigawe bari mikiran sagala rupa. Cag heula.
